رحیم یار خان ﴿ ﴾ ضلعی امیر جماعت اسلامی ڈاکٹر انوار الحق،سٹی قیم ثوبان رشید اور محسن شاہ نے ’’سیرت النبی ﷺکانفرنس‘‘سے خطاب کرتے ہوئے کہا ہے کہ انسانیت کی فلاح وکامیابی سیرت النبیﷺمیں پوشیدہ ہے ۔حضور ﷺکی سیرت تاقیامت انسانوں کی رہنمائی کرتی رہے گی ۔قرآن و سنت کے نظام کے نفاذکاعہد12ربیع الاول کا پیغام ہے ۔مسلمانوں کی تنزلی کا سبب قرآن کے دئیے گئے نظام سے روگردانی ہے جماعت اسلامی کے زیر اہتمام شہر کے مختلف مقامات پر سیرت کے موضوع پر پروگرامات منعقد کئے گئے ۔اس سلسلے میں مقامی ہوٹل میں ایک سیرت البنیﷺکانفرنس کا انعقاد کیا گیا جس میں ارکان کارکنان جماعت اسلامی سمت سینکڑوں افراد نے شرکت کی

جماعت اسلامی پنجاب سیکرٹری جنرل نذیر احمد جنجوعہ نے کہا ہے کہ حق وباطل ،کفرو اسلام صلیبی جنگ اور اسلام و مغرب کے درمیان تصادم کا نیا نام ’وار آن ٹیر ر‘ہے۔حکومت پاکستان نے اس کا حصہ بن کر صرف اور صرف ملک وقوم کا نقصان کیا ہے۔آج کفر عالمی طاقت بن چکا ہے اور اس کا اصل ہدف پاکستان کے ٹکڑے کرنا ہے۔اسوہ حسنہ کے مطابق کفر کے مقابلے میں قوم کو تیار کرنا ہی در حقیقت عیدمیلادالنبی (ص) کا پیغام ہے۔

فیصل آباد﴿ ﴾ جماعت اسلامی کے صوبائی نائب امیر وقار ندیم وڑائچ نے یک جہتی کشمیر ریلی سے خطاب کرتے ہوئے کہا ہے کہ بھارت کو پسندیدہ ملک قرار دینا کشمیری مسلمانوں کے زخموں پر نمک پاشی کے مترادف ہے ،حکمرانوں کو لاکھوں بے گناہ کشمیری شہدا کے خون سے غداری نہیں کرنے دیں گے۔ حکومت پاکستان کشمیریوں کی کھل کر مدد کرے اور بھارت سے مذاکرات کی بھیک مانگنے اور بیک ڈور ڈپلومیسی کے نام پر کشمیری عوام کے زخموں پر نمک پاشی کی بجائے بھارت کے خونخوار چہرے کو اقوام عالم کے سامنے بے نقاب کرے ۔

جماعت اسلامی پنجاب کے سیکرٹری جنرل نذیر احمد جنجوعہ نے کہا ہے کہ وفاقی وزیر پٹرولیم ڈاکٹر عاصم حسین کی طرف سے پانچ روز قبل پٹرولیم مصنوعات کی قیمتوں میں اضافے کے بیان سے ذخیرہ اندوزوں کو فائدہ حاصل ہوگا۔حکمران عوام پر مسلسل ظلم ڈھارہے ہیں۔پٹرولیم مصنوعات کے نرخوں میں اضافے سے عوام کی زندگی اجیرن ہوجائے گی۔لوگ مہنگائی کی چکی میں پہلے ہی پس رہے ہیں۔اگر حکمرانوں نے اضافے کو فی الفور واپس نہ لیا تو عوام سڑکوں پر آکربھر پور احتجاج کریں گے۔