باطل قو توں سے نبردآزما ہونے کے لئے قوم کو ساتھ چلنا ہوگا۔لیبیا پر حملہ اور قرآن پاک کی بے حرمتی اسلام دشمنی کی بد ترین مثالیں ہیں ۔کلیسائی قوتوں نے چاروں طرف سے مسلمانوں پر صلیبی جنگ مسلط کررکھی ہے ۔ہمیں اسلامی انقلاب کی جد و جہد تیز کرنے کی ضرورت ہے ۔جماعت اسلامی عوامی رابطہ مہم کے ذریعے اڑھائی کروڑ افراد تک اپنا پیغام پہنچائے گی ۔
;)
جماعت اسلامی پنجاب کے سیکرٹری جنرل نذیر احمد جنجوعہ نے کہا کہ لا ہور پولیس جماعت اسلامی کی گاڑی چھیننے کی واردات کا ابھی تک سراغ نہیں لگا سکی اور تا حال ڈاکوئوں کو بھی گرفتار نہیں کیا گیا ہے جبکہ اس وقوعہ کے حوالے سے گورنر پنجاب اور آئی جی پنجاب نے جماعت اسلامی کے مرکزی رہنما لیاقت بلوچ کو یقین دہانی کرائی تھی کہ وقوعہ کے پس پردہ محرکات کو سامنے لا یا جائے گا۔
;)
امیر جماعت اسلامی پنجاب و جنرل سیکر ٹری کوآرڈنیشن کمیٹی بحالی صوبہ بہاولپور تحریک ڈاکٹر سید وسیم اختر نے مختلف تقریبات سے خطاب کرتے ہوئے کہا کہ حضور(ص) کی تعلیمات اور قرآن کریم میں ہر شعبہ زندگی کے لئے رہنما ئی اور ہدایت ہے ۔حرمت رسول(ص) کا تقاضا ہے کہ ہم متحد ہوکر کفر و شرک کا مقابلہ کریں ۔جماعت اسلامی کا پیغام دنیا کو اللہ کی بندگی کی طرف بلانا ہے ۔ہمارے حکمران دھڑلے سے ملک میں سودی نظام کو چلائے ہوئے ہیں ۔انہوں نے مزید کہا کہ بہالپور کے عوام کی محرومیوں پر ہر ذی شعور کا دل خون کے آنسوں روتا ہے۔
;)
صدارتی تقریر مایوس کن تھی عوامی رہنما کہلانے کے دعوے دار عوام کو مفاہمت کی سیاست کے سوا کچھ نہ دے سکے ۔صدرکی تقریر سے محض آئینی تقاضے پورے ہوئے قومی غیرت کے نہیں ۔آج ملک میں درجنوں ریمنڈ ڈیوس دندناتے پھر رہے ہیں ۔دیت کا سہارا لے کر اپنے جاسوس کو چھڑا لے جانے والے قرآن پاک کی بے حرمتی کررہے ہیں جبکہ پاکستان کے غلام ابن غلام حکمران چندڈالروں کے عوض ملکی خود مختاری اور وقار کاسودا کرچکے ہیں ۔ان خیالات کا اظہار امیر جماعت اسلامی پنجاب ڈاکٹر سید وسیم اختر نے گزشتہ روز منصورہ میں اجلاس سے خطاب کرتے ہوئے کیا
;)
جماعت اسلامی پنجاب کے سیکرٹری جنرل نذیر احمد جنجوعہ نے کہا ہے کہ موجودہ حکومت کے تین سالہ دور میں ضروریات زندگی کی اشیائ کی قیمتوں میں تین سو فیصد سے زائد کا اضافہ ہوچکا ہے ۔ہر چیز کی قیمت آسمان سے باتیں کر رہی ہے روز گار کے مواقع کم جبکہ فاقوں کی وجہ سے خود کشیوں کی شرح میں خطرناک حد تک اضافہ حکمرانوں کی کارکردگی پر سوالیہ نشان ہے ۔انہوں نے کہا کہ ملک میں مہنگائی کا گراف تاریخ کی بلند ترین سطح پر پہنچ گیا ہے عوام کی قوت خرید بری طرح متاثر ہوئی ہے ۔روٹی،کپڑااور مکان دینے کا نعرہ لگا نے والے وزارتیں اور عہدے اپنے من پسند افراد میں باٹنے اور قومی خزانے کو دونوں ہاتھوں سے لوٹنے میں مصروف ہیں ۔
;)
کم حوصلہ اور نا اہل حکمرانوں کو اتنی جرات نہیں ہو رہی کہ وہ امریکہ کے سامنے یہ بات کہہ سکیں کہ ریمنڈ ڈیوس سفارت کار نہیں بلکہ سی آئی اے کا ایجنٹ ہے جو پاکستان میں انتہا پسندی کو پروان چڑ ھانے کے ساتھ ساتھ انتہائی پر اسرار سرگرمیوں میں مصروف تھا ۔ساری دنیا کامیڈیا ریمنڈ کو ایک جاسوس قرار دے رہاہے۔ان خیا لات کا اظہار امیر جماعت اسلامی پنجاب ڈاکٹر سید وسیم اختر نے گزشتہ روز مختلف عوامی وفود سے گفتگو اور اجلاس سے خطاب کرتے ہوئے کرتے ہوئے کیا۔
;)
قوم کو ریمنڈ ڈیوس کی رہائی کسی صورت میں بھی قبول نہیں ۔حکمرانوں کی نااہلی کی وجہ سے سارا ملک بد امنی کا شکار ہے ۔امریکی غلام ملک چلانے میں مکمل طور پر ناکام ہو چکے ہیں۔اقامت دین کی راہ میں جدوجہد ہی ہماری زندگی کا اصل مقصد ہے خدا کی رسی کو مضبوطی سے تھام لینے میں ہی قوم کی بقائ ہے ۔ان خیالات کااظہار امیر جماعت اسلامی پنجاب ڈاکٹر سید وسیم اختر نے گزشتہ روزمختلف عوامی وفود سے گفتگو کرتے ہوئے کیا ۔انہوں نے کہاکہ حکمرانوں کے ظلم و ستم سے عوام تنگ آچکے ہیں ملک میں ریمنڈ ڈیوس جیسے کرائے کے قاتل دندناتے پھر رہے ہیں ۔
;)
جماعت اسلامی پنجاب کے سیکر ٹری جنرل نذیر احمد جنجوعہ نے کہاہے کہ امریکی غلامی سے نجات حاصل کرنے کا وقت آگیا ہے 18کروڑ غیور عوام اس کے خلاف متحد ہیں ۔ ریمنڈ ڈیوس ایک قاتل ہے اس کے ساتھ وی آئی پی سلوک کرنا انتہائی قابل مذمت ہے ۔انہوں نے کہاکہ جماعت اسلامی کی ’’گو امریکہ گو‘‘تحریک امریکی مداخلت کے خاتمے تک جاری رہے گی۔تمام سیاسی و مذہبی جماعتیں اس تحریک میں ہمارا ساتھ دیں ۔عوام جانتے ہیں کہ حکمران امریکی غلامی میں ملک کی خود مختاری چند ڈالروں کے عوض فروخت کر چکے ہیں ۔آئی ایم ایف اور ورلڈ بنک کے فیصلوں پر عمل در آمد کرنے کے لئے غریب عوام کا خون نچوڑا جارہاہے
;)
