ووٹ ایک امانت ہے جسے محب وطن،پڑھی لکھی اور ایماندار قیادت کے حوالے کیا جا نا چاہئے۔میڈیا عوام میں شفاف انتخابات اور ووٹ کی پرچی کے حوالے شعور بیدار کرنے میں اپنی قومی ذمہ داری کو ادا کرے۔موروثی سیاسی نظام نے جمہوریت کو بھی شخصی آمریت میں تبدیل کرکے رکھ دیا ہے۔ملک کی تمام بڑی سیاسی جماعتوں پر پورے کے پورے خاندان قابض ہیں۔جماعت اسلامی پر امن،آئینی اور جمہوری طریقوں سے اس موروثی سیاست کے فرسودہ نظام سے چھٹکارہ چاہتی ہے تاکہ ملک ترقی کی راہ پر گامزن ہوسکے۔ان خیالات کااظہار امیر جماعت اسلامی پنجاب ڈاکٹر سید وسیم اختر گزشتہ روز رابطہ عوام مہم کے سلسلے میں مختلف عوامی وفود سے گفتگو کرتے ہوئے کیا۔

امیر جماعت اسلامی پنجاب ڈاکٹر سید وسیم اخترنے عوامی رابطہ مہم کے سلسلے میں مختلف پروگرامات اور وفود سے گفتگو کرتے ہوئے کہا کہ جماعت اسلامی کرپشن زدہ معاشرے کو سدھارنے اور مہنگائی،بے روزگاری،لاقانونیت،لوڈشیڈنگ کے خاتمے کے لئے آئندہ الیکشن میں بھر پور انداز میں حصہ لے گی۔ہم عوامی فلاح و بہبود کے ایجنڈے کے تحت موثر رابطہ مہم کے ساتھ عوام کے مسائل حل کرنے کے لئے میدان عمل میں ہے۔نا اہل اور امریکی غلام حکمرانوں سے چھٹکارہ حاصل کرکے ملک کو مدینہ منورہ جیسی ریاست بنانا ہمارے منشور کا حصہ ہے۔

امیر جماعت اسلامی پنجاب ڈاکٹر سید وسیم اختر نے کہا ہے کہ حکمرانوں نے قومی غیرت کو نیلام کرتے ہوئے امریکہ کی غلامی کو قبول کر رکھا ہے۔ملک پر عملاًآئی ایم ایف اور امریکہ کی پالیسیاں نافذ ہیں۔زرداری،گیلانی ملکی مفادات کی بجائے امریکہ اور بھارت کے مفادات کا تحفظ کررہے ہیں۔کراچی اور بلوچستان میں بد امنی اور فسادات میں امریکہ اور انڈیا کا کردار کسی سے ڈھکا چھپا ہوا نہیں ہے۔امریکی سازش ہے کہ وہ خطے میں بدامنی پیدا کرکے مفادات حاصل کرے لیکن جماعت اسلامی اور پاکستان کے غیور عوام امریکی پالیسیاں کامیاب نہیں ہونے دیں گے۔

شیطانیت کا ذہن رکھنے والے اسلام کا راستہ نہیں روک سکتے۔نظریہ ضرورت ہمیشہ کے لئے دفن ہونا چاہئے۔ایسی این جی اوز جو غیر ملکی فنڈز پر چلتی ہیں چیف جسٹس ان کے خلاف از خود نوٹس لے ۔جماعت اسلامی نے ہمیشہ اقلیتوں کے حقوق کے تحفظ کی بات کی ہے۔نو مسلم خواتین کے خلاف قوم پرست جماعتوں کا واویلا قابل مذمت ہے۔ان خیالات کا اظہار مقررین نے جماعت اسلامی پنجاب کے ہیومن نیٹورک کے زیر اہتمام ﴿مسلم معاشرے میں نو مسلموں کا تحفظ ﴾سیمینار سے خطاب کرتے ہوئے کیا۔س

امیر جماعت اسلامی پنجاب ڈاکٹر سید وسیم اختر نے منصورہ سے جاری کردہ اپنے بیان میں کہا ہے کہ موجودہ حکمران جمہوریت کے نام پر عوام سے بدترین انتقام لے رہے ہیں۔قوم کوچھوٹے مسائل میں الجھانا دشمنوں کا ایجنڈا ہے۔مشرق مغرب ہرطرف سے پاکستان کے گرد گھیرا تنگ کیا جارہا ہے۔حافظ سعید پر من گھڑت الزامات کے بعد صدر کا دورہ بھارت غیر دانشمندانہ اقدام ہے جس کی جتنی بھی مذمت کی جائے کم ہے۔

حکمران ہر محاذ پر ناکام ہوچکے ہیںنام نہاد امریکی جنگ نے ملکی معیشت کو 70ارب ڈالر سے زائد کا نقصان پہنچایا ہے۔35ہزار بے گناہ افراد لقمہ اجل بن چکے ہیں۔موجودہ حکمرانوں سے نجات کے لئے عوام کو سڑکوں پرآنا ہوگا۔ملک میں مثبت تبدیلی کے لئے جماعت اسلامی میدان میں ہے۔ عوام ہمارا ساتھ دیں۔ حافظ سعیداور مولانا عبد الرحمان مکی کے سر کی قیمت مقر ر کرنا امریکہ کا شرمناک فعل ہے جسکی جتنی بھی مذمت کی جائے کم ہے۔ پاکستانی قوم ایک کڑور ڈالر کو جوتے کی نوک پر رکھتی ہے۔ ان خیالات کا اظہا ر امیر جماعت اسلامی پنجاب ڈاکٹر سید وسیم اختر نے گزشتہ روز رابطہ عوام مہم کے سلسلے میں مختلف تقریبات سے خطاب کرتے ہو ئے کیا۔

جماعت اسلامی کی قیادت بے داغ ، پڑھے لکھے، محب وطن اور خوف خدا رکھنے والے لوگوں پر مشتمل ہے۔ عوام ہمارے شاندار ماضی کو دیکھتے ہوئے آئندہ انتحابات میں جماعت کے نمائندوں کو کامیاب کرائیں۔ ارباب اقتدار کی ہوس زر اس قدر بڑھ چکی ہے کہ حج جیسے مقدس فریضے میں کرپشن کر کے ایک نیا باب رقم کر دیا گیا ہے ۔ ان خیالات کا اظہارامیرجماعت اسلامی پنجا ب ڈاکٹر سید وسیم اخترنے رابطہ عوام مہم کے سلسلے میں محتلف عوامی وفود اور ذمہ داران سے گفتگو کرتے ہوئے کیا ۔

جماعت اسلامی پنجاب کے سیکرٹری جنرل نذیر احمد جنجوعہ نے کہا ہے کہ ملک کے حالات انتہائی خراب ہو چکے ہیں کرپشن کابازارگرم اور عوام بے سہا را و مددگار حکمرانوں کا پتلی تماشہ دیکھنے پر مجبور ہیں دو وقت کی روٹی کمانا مشکل سے مشکل تر ہوتا جا رہا ہے جبکہ امن وعامہ کی صورتحال انتہائی گھمبیر ہوچکی ہے۔بے نظیر انکم سپورٹ پرو گرام کے نام پر قومی خزانے کا بے دریغ استعمال کر کے اپنے جیالوں اورمتوالوں کو نوازا جارہا ہے